家庭樂

18 Jul 2015

好想每2-3個星期就番媽咪屋企訓一次~
等媽咪, 婆婆, 奶奶都可以同bb 玩下~
自己又可以趁機會抖下~
今次又番左媽咪度喇~~~
仲有姐姐黎探bb tim呀!!!
幫bb 影左好多靚相~

之後就番左奶奶度食飯~

唔知點解次次一番到奶奶度Jasper 都大喊~
我一抱就收聲~(暫時仲覺得好sweet)
要望一大輪先唔喊先肯同人玩~

bb d 表哥表姐惡攪佢幫佢帶headphone~

去街街食飯

16 Jul 2015

平時我好少單拖帶Jasper 去街ga!因為驚攪唔掂佢~
但今日為左一班舊同事我勇於自己一個帶Jasper 去觀塘食飯
(其實老公都地鐵站接送>v<)
去到Jasper 好合作wo~個個姨姨抱都唔喊~
仲玩得好開心tim~
到食野o個時扭左一陣眼訓~tum 左佢訓之後我地開餐~
食完佢就起身喇~~~真係十分之好~~~~
睇黎如果係咁, 我可以帶佢多d 出去食飯wo~~~

圖書館加游水水

11 Jul 2015

話說調景領7月9號開左個新既圖書館~
未結婚前我都好鐘意同佳佳去下圖書館睇下書歎下冷氣~
咁近我當然要去朝聖啦~屋企行過去唔洗5分鐘^v^
其實都考慮左一陣帶唔帶肥豬仔去參觀, 因為驚佢無啦啦大叫大喊~
但唔理咁多喇, 帶左先算^v^
o個日仲同埋肥豬仔最愛既婆婆tim~~~


肥豬仔好乖冇大叫, 但係佢都冇睇過本書=.=
佳佳好有心機講故事佢聽, 佢就不斷望住d 姐姐跑同玩~
明明o係屋企同佢講故事佢都有聽ga ma!
可能圖書館太多野吸引佢喇~專心唔到^v^

之後番屋企開左個泳池仔比佢玩~
我地屋企唔大, 開完真係行都冇位行喇~~~
見到佢玩得咁開心, 不狂爸爸泵得咁辛苦!

自從生左BB 之後, 每個星期同佳佳既活動雖然冇以前咁多姿多彩~
但我地都好享受而家呢D 時刻~陪下肥豬仔簡簡單單就一日, 我地就已經覺得好開心好幸福喇^^

肥豬仔扮野篇

話說上個月去左朋友屋企玩~

我地仲幫BB 換左好多個造型~好開心好好玩GA!!!!當中我最鐘意就係呢個小肥羊既造型!真係好可愛!!

仲有小蜜蜂!!

 

睇番d 相, 真係好開心Jasper 係一個成日笑既bb~\
o係街見到人又識比反應, 成日撩人玩, 人地同佢玩又識同人地笑~
希望可以keep 住啦~^^

肥豬仔嬲嬲篇

話說呢肥豬仔係一個好小氣既bb~

唔知係咪佢太鐘意婆婆(即係我媽咪)~成日都嬲婆婆ga!!
有一次隔左3個星期都冇見過婆婆, 一見到婆婆就擺呢個樣出黎~

仲要喊晒有晒眼淚ga!

仲有一次我地一齊食早餐~我突然間又好想食麥樂雞wo~
咪叫婆婆去大昌買, 一陣整黎食law~
點知婆婆買完番黎, 肥豬仔望都唔肯望婆婆呀!!!
不斷擰轉頭扮見唔到佢~

婆婆都話冤枉, 明明幫媽咪買野, 但反而嬲左佢~~

話雖如此, 婆婆同太婆婆都錫佢錫到燶~
一見到就抱住佢唔肯放^v^

(肥豬仔個身就黎橫過太婆婆喇=.=)